我當年是港英殖民高官,現在轉行做美國代言人,說的是前政務司司長陳方安生。「陳四萬」陳方安生剛與郭榮鏗、莫乃光去美國「述職」回港,昨便急不及待召開記招「總結行程」,盡責替美爹傳話,其中陳四萬揸住彭斯「暗室談話」嘅雞毛當令箭,點名叫「特首同一眾高官」去同美國、歐洲等解釋喎。
叫得做「述職之旅」,三人唱衰香港自然是指定動作,逃犯條例、一國兩制、人權等當然唔少得。但陳四萬梗係唔認唱衰,死撐話自己「如實講出」香港嘅「真正情況」。當然,信不信由你喇。
陳四萬又以美爹代言人自居,話一國兩制變晒質,美國同國際社會都好關注,仲幫美出聲要挾香港,話如果一國兩制再被「削弱」,美國就有機會重新考慮畀唔畀優惠待遇香港,仲打定預防針,話定畀大家知美爹會就香港情況嘰嘰乞乞囉。至於被問到同美國副總彭斯私底下甩開同行的郭、莫二人會面傾咗啲乜、傾咗幾耐,陳四萬就支支吾吾唔多肯直接交代。
做政治PR做到咁足咁比心機,陳四萬真係將美國駐港領事館比下去。咁都未算,更絕嘅係,陳四萬強調佢「本人覺得」咁話:「特區政府由特首同一眾高官係極之需要親自去到美國、去到歐洲、去到加拿大、去到澳洲,去解釋一下香港究竟目前仲係唔係全面貫徹一國兩制?究竟係中央管治香港吖?一話係特區政府管治香港?」
陳四萬剛剛喺美國述職回來,有理由相信,所謂「去到美國、去到歐洲、去到加拿大、去到澳洲」乜乜物物,其他國家只係搭單,佢只係想叫特首林鄭月娥同港府官員去美國朝覲。
唉,陳四萬、郭榮鏗、莫乃光去完美國面聖,下個月又去德國唱衰香港,不過呢次就冇咗「人肉佈景板」莫乃光份喇。
原圖:港台新聞截圖、Pixabay
https://news.rthk.hk/rthk/ch/component/k2/1450921-20190402.htm
https://pixabay.com/zh/illustrations/美国-国旗-美国国旗-星条旗报-1127885/
投票已截止,多謝支持