想減肥？跑步？游水？不如試下練武啦！河南登封市一名男童秦嘉昆，11歲已經重達75公斤，佢父母於是送佢去武術學校，希望佢可以做多啲運動，結果秦嘉昆愛上武術，一年來成功瘦咗10公斤之餘，仲立志要做武打明星添！唔知佢會唔會係未來嘅李連杰呢？

網民：新一代表情包

雖然秦嘉昆心中堅定，但由於佢外形圓碌碌，但又一臉認真練功嘅表情，實在太有喜感，成為網民心中嘅新一代網紅，話佢練功時連「連鼻孔都在用力」，又話佢係「新一代表情包」，但教練就話佢非常用心投入，讚佢打得好好，教練更表示，秦嘉昆成個人都靈活咗好多。

雖然唔知秦嘉昆做唔做到武打明星，但最少證明，練武減肥呢招真係有效！不如大家都試吓啦！

原圖：梨視頻截圖