一地兩檢草案日前終於完成審議，委員會主席葉劉淑儀要頂住一眾反對派連番疲勞轟炸，仲要面對眾多質疑聲音之下，仍然堅持以市民意願行先，的確唔容易！難怪佢昨日接受電台訪問時都忍唔住呻「好辛苦，好嘈吵，好疲倦」，葉太亦有感而發，喺Facebook剖白自己嘅心路歷程，其中忍唔住再串一串班反對派，話佢哋多次開會顯得特別激動，甚者拍枱拍櫈，一啲禮貌都冇！

批泛民不尊重議會

葉太昨晚在Facebook發咗一篇題為<「嘈下、傾下、進行下」 的「一地兩檢」條例草案委員會>嘅文章，向公眾交代自己主持會議嘅手法。葉太先解釋《一地兩檢》條例有時間性，若草案爛尾則高鐵不能在九月通車，將引起更大的社會反彈，所以必須有適當時間管理。隨後，葉太指反對派議員於多次開會時，都顯得特別激動，拍枱拍櫈、大聲嘈吵不絕，對議會毫不尊重。更加串爆班反對派，話佢哋成日大喊「規程問題」、「規程問題」，但又講唔出屬邊條規程出問題，真係串到佢哋一棟都冇！ 其實，議會上黃禍不止，早已令大眾市民大眾深痛惡絕，就連學生都覺得反對派盲阻一地兩檢係「攞香港人嚟較飛」(可按此重温報道)，好彩葉太主持會議，先可以令一地兩檢有望如期進行，多謝葉太為市民主持公道！ 原圖：大公報 http://www.takungpao.com.hk/hongkong/text/2016/1019/31902.html http://news.takungpao.com.hk/paper/q/2018/0508/3567336.html

投票已截止，多謝支持