開講有話，女人撐起半邊天？而實際上，在現代人類文明的世界裡，女強人的身影隨處可見，出任政商要職者也不乏人。 溫故知新，展望將來，本人特意為大家搜集近代幾位的女性首長簡歷，讓大家看看「女人的顛峰」！睇一睇，諗一諗，香港又會否出現一個？ 一、人稱鐵娘子的前英國首相戴卓爾夫人（右一），任內施行「戴卓爾主義」，大力糾正工會坐大的「過左現象」，將英國從「日不落帝國的日落」中力挽狂瀾，扭轉敗局，走向中興（當然都係同維多利亞時期冇得比啦，再睇今日英國，唉…）。 二、不過不過，家陣英國又有女當家啦！究竟文翠珊（左一）能否將脫歐丕變轉危為機？大家拭目以待！ 三、除咗戴卓爾，仲有默克爾（左二），呢位東德出生的德國女總理，唔止係德國一姐，家陣仲帶領緊整個歐洲，在危機中向前走、向前走…… 四、除了歐洲，我們亞洲也出過多位女性首長，當中有啲比較成功、有啲相對失敗咁……舒瞳比較欣賞菲律賓嘅阿基諾夫人（左三，順帶一提，其實佢係華人之後，祖上係泉州人來㗎），喺丈夫遇刺之後臨危受命，成為亞洲第一位女總統。不過睇埋佢個仔阿基諾三世，就真係一蟹不如一蟹…… 五、仲有以色列前總理梅雅夫人（右二），猶太復國主義嘅大力推動者，你認唔認同呢個主義一回事，但無可否認佢係叻嘅！ 哇哇哇，勁勁勁，咁多巾幗英雌，豈止「撐起半邊天」，說是「撐起整片天」也不過份吧！究竟香港有冇機會出一個？你話呢！ 原圖： http://img.weixinyidu.com/160310/680188b9.jpg http://gb.cri.cn/27824/2009/08/03/2805s2581131.htm http://www.chinanews.com/gj/2013/09-21/5303603.shtml http://m.sina.com.hk/news/article/20160720/0/1/4/%E6%96%87%E7%BF%A0%E7%8F%8A%E4%B8%8A%E4%BB%BB%E9%A6%96%E8%A8%AA%E5%BE%B7%E6%B3%95%E5%95%86-%E8%84%AB%E6%AD%90-6071466.html https://upload.wikimedia.org/wikipedia/commons/5/58/Margaret_Thatcher.jpg