近日有國家以「防疫」為由，對中國旅客入境設限。外交部發言人毛寧昨日（4日）喺例行記者會表示，1月8日起，所有入境中國人士須提交48小時內核酸檢測陰性證明，無需向中國駐外使領館申領健康碼，將結果填入海關健康申明卡即可。至於核酸陽性人士則應轉陰後才來華。

毛寧表示，健康申報正常、過關時檢測陰性嘅入境人員，可放行進入社會面。但如果申報異常或有病徵嘅人員，就由海關進行抗原測試，如果結果陽性但病況輕微或無症狀感染者，可以採取居家、居所隔離或自我照護。

日本規定1月8日起，所有入境嘅中國旅客都需要提供陰性證明，並進行核酸檢測，毛寧對此表示，中方始終認為各國嘅防疫措施應當科學適度，唔應該藉機搞政治操弄，以免影響正常嘅人員交往同交流。

外交部發言人講得好啱！任何防疫都要科學適度，唔應該摻雜政治，更唔應該玩針對。今次中國提出嘅入境要求屬於對等回應，實屬無可厚非，大家當然完全支持！

原圖：新華網、中國外交部