英國近年喺對中國關係嘅道路上越走越歪！早前，英國政府以「國家安全」為由，要求中企聞泰科技公司旗下子公司放棄早喺一年幾以前已經完成咗嘅英國最大半導體制造廠嘅86%股權收購。真荒唐！對此，中國外交部發言人毛寧尋日（18日）喺例行記者會回應此事時講，英國嘅呢種行為已經嚴重違背市場經濟同國際經貿規則，中國堅決反對呢種行為，並表示英國應該切實維護中企嘅正當利益！

毛寧表示，英國呢種行為足以證明英國方面「已經向商業關閉了大門」。毛寧話，英方「泛化」國家安全概念，「濫用」國家力量，對中企喺英國進行嘅正常商業行為直接干預，嚴重損害有關企業利益。英國嘅所作所為，同佢哋同一直「引以為傲」、標榜嘅市場經濟原則同國際經貿規則相違背。毛寧表示，英國除咗要維護中方企業喺當地獲取嘅正當利益之外，更要為世界各國企業提供「公平、公正、非歧視」嘅營商環境。

無論喺世界各地，中國企業合法、正當所取得嘅收益以及任何商業交易，都必須得到保障！英國政府無法對此進行橫蠻無理嘅干預，支持祖國就此事作出反擊！

原圖：中國外交部

https://www.fmprc.gov.cn/fyrbt_673021/jzhsl_673025/202211/t20221118_10977714.shtml