香港地少車多，不時都會出現「爭車位」嘅情況。某停車場日前上演「人肉霸車位」嘅驚險一幕，有網民上載車Cam片段，只見一名男童企喺泊車位內，一輛白色Tesla電動車正倒車駛入車位，男童竟不顧自身安危以「人肉擋車」，司機一不留神，隨時搞出人命。

另一邊廂，屯門有女仔搭巴士返工，成日遇到一名陌生男仔坐佢隔籬，即使女仔專登坐走廊位，或換座位避開，但嗰位陌生男仔一有機會都會照坐佢隔離，搞到佢好驚兼好唔舒服。

究竟係乜嘢父母先會叫個仔「人肉霸車位」？女仔遇到陌生男仔坐隔籬，又可以點做？今集Chill好傾，一眾主持人同你傾下點解決？逢星期一、五晚上，記得準時收聽我哋Chill好傾，同你茶餘飯後，笑談新聞。