樂壇新人王炎明熹（Gigi）完成中五結業禮，準備升中六啦！大家可能一直淨係睇到佢幕前嘅演出，差啲忘記佢其實都係一個17歲嘅中學生，最近晒出她學生照，形象十分清純可愛。

Gigi就讀嘅「聖安當女子中學」最近在網上平台分享咗佢嘅校園生活片段，當中有佢結業禮嘅相，仲有返學時嘅片段、畫畫、與同學和老師嘅合照等等。片入面佢完全回復返一個學生嘅模樣，冇化妝嘅可愛四眼妹，十分清純，更獲得學校頒發嘅「音樂活動優異獎」！

片中佢更提到：「我自己比較鍾意藝術，呢間學校給予我哋好多發展空間，所以呢間學校非常之適合我。」

九月開學後就升上中六，Gigi可能會面對學業事業兩兼顧嘅情況，希望佢好好取得平衡，發奮事業之餘，又唔好荒廢學業。作為一班fans，一定會全力支持佢！

原圖：星島日報

https://hd.stheadline.com/life/ent/realtime/2365140/