黑暴期間，「爆眼女」聲稱於尖沙咀警署外被射爆眼。其家人噚日（11日）喺網上發帖，自爆法援被cut，又貼出一張醫院出院紙，疑似「賣慘」。有法律界人士分析，「爆眼女」唔繼續申請法援，或由於隨時反證自己有參與暴動之嫌，甚至懷疑有背後推手。

2019年8月11日，「爆眼女」當時聲稱被警方布袋彈打中右眼，但事後又阻止警方查閱佢嘅醫療報告，行為相當詭異。有法律界人士指，若法律援助署認為受助人冇合理理由進行訴訟，或認為受助人繼續接受法援係不合理的話，署長可取消有關證書。而「爆眼女」嘅出院紙只可證明眼部受傷，但無法反駁警方當時抗擊暴徒嘅事實，亦冇解釋佢當時點解會喺暴動現場；倘繼續申請法援，反而令人懷疑佢有份參與暴動，故佢唔敢回覆法援署嘅質問，先會喺上月被停法援。而入稟區域法院提出人身傷害申索期限為3年，即「爆眼女」須於今年8月11日前入稟先有效。

據悉，「爆眼女」嘅法律團隊喺今年3月和5月先後收到法援署回信，要求其重新考慮會否提控，並要求其律師就三方面問題提交意見，包括預料警方聲稱使用此等武力為合理及可接受、單純的疏忽不足以構成惡意傷害、追究警員的行為責任需證明是惡意傷害。「爆眼女」無法反駁當時警方對抗暴徒而展開嘅執法行動，所以都證明唔到警方嘅行動有惡意，同時亦要證明自己對警方無惡意，但她又解釋唔到自己身處暴動現場嘅原因。

「爆眼女」噚日嘅帖文中，亦寫明其確實唔喺香港。警方目前仍視「爆眼女」為暴動案調查對象，促其回港受查。

大家對於事件怎樣看？

原圖：星島日報

https://www.singtaousa.com/2021-09-28/%E9%80%BE%E8%90%AC%E4%BA%BA%E6%B6%89%E5%8F%8D%E4%BF%AE%E4%BE%8B%E4%BA%8B%E4%BB%B6%E8%A2%AB%E6%8D%95-2684%E4%BA%BA%E8%A2%AB%E6%8E%A74%E6%88%90%E7%82%BA%E5%AD%B8%E7%94%9F/3664901

https://today.line.me/hk/v2/article/YM88PL