舊年（2021年）因為入獄錯過宣誓嘅區議員姚鈞豪，唔知係咪因為驚聽日（6月1日）宣誓唔過關，所以戴定頭盔提前話唔知個結果會點喎，仲老屈「香港講理時代已過」，結果畀網民鬧爆。
是咁的，姚鈞豪因舊年8月被裁定2020年3月悼念周梓樂非法集結罪成，被判入獄3個月，因而錯過舊年10月嘅宣誓。出獄已經7個月嘅佢，噚日（30日）喺其個人社交平台發文表示，收到民政事務局通知，要求佢6月1號補返個宣誓。佢幫佢篇文起咗條題叫《要嚟嘅始終都要嚟》，然後懶感性、傷感地話，戴定頭盔咁話「唔會預計今次嘅結果」，然後歸咎「香港講證據或理據嘅年代已經過去」，估嚟都冇意思。
最後佢成個烈士上身咁話，只要佢仲係區議員，佢就會盡其所能，做好大家早喺2019年希望佢要做到嘅嘢。
有位網友見姚鈞豪古古惑惑，玩晒雙重標準，就反問道：黑暴嗰陣又講理咩？
呢位網友鬧得好應！一句就將佢哋班黃人輸打贏要嘅小學雞脾性表露無遺。好嘢！
原圖：星島日報、姚鈞豪Facebook
投票已截止，多謝支持
返回
