一輯綜藝節目「聲生不息」令兩位「新人王」曾比特同炎明熹喺國內知名度大增，炎明熹更因為工作關係北上，可以順道探望分隔達兩年的父母及家人。一見面，母女便淚如泉湧。

她說：「第一日接媽咪放工，她不停咁喊，搞到我都係咁喊」。父母同子女分開兩年幾，自然十分之想念。眼看女兒呢兩年驕人嘅成績，成為「星夢傳奇」冠軍後再下一城攻入內地市場，並且大受歡迎，又點會唔感動同安慰。

「父母話我係佢哋嘅驕傲。」Gigi說：「連我爺爺都有留意我比賽，仲叫我唱歌擘大啲個口。佢以前喺戲班工作，識得打鼓同拉二胡，有爺爺嘅支持我真係好感動。」

疫情肆虐兩年多，兩地有好多家庭都因為咁而分隔兩地。今次Gigi能夠衣錦還鄉，見到屋企人，可謂百般滋味在心頭。

Gigi加油呀！期待你有更多出色嘅表現，為香港爭光！

原圖：聲生不息官微、TVB截圖

https://weibo.com/7736375999/LpLBFcOp0