筆者一向尊重言論自由，過去撰文時亦多次強調，其實有唔同政見，係一件超級正常嘅事，一個香港市民嘅政治立場無論係藍係黃，只要言之有物、言之成理，真理自然係越辯越明。可惜自「佔中」後，香港社會撕裂嚴重，分化成兩極嘅「顏色」，某啲人出於立場為反而反，因人廢事、以人廢言，令香港發展停滯不前甚至係大倒退！

顏色革命的延伸

2019年黑暴亂港後有所謂「黃色經濟圈」冒起，其實正正係「顏色革命」嘅延伸！表面上「黃色經濟圈」只係想搵「手足」笨實咁簡單，實際上正如警隊前一哥、現任保安局局長鄧炳強所講，係一場以「經濟詞彙」包裝嘅「政治運動」，目的係製造寒蟬效應、分化香港人同損害自由經濟！

事實上，所謂「黃色經濟圈」出現後醜聞一浪接一浪，任何商業活動，只要一同「黃店」沾邊，你就知道呢件事必定會變為業餘、不認真。幫襯完黃店之後呻笨嘅「手足」多不勝數，無論講政治定講經濟，「黃色經濟圈」都絕對係社會毒瘤，值得動用《港區國安法》一查，要是黃店該死，亦不過係因為自尋死路！

原圖：開餐Dine Inn Facebook，Chow Siu Lung Herbert 周小兔 Facebook

https://www.facebook.com/herbertchowsiulung/photos/328496062224240

https://www.facebook.com/DineInn2020/photos/171813571114395