黃政棍鄭松泰早前因登記成為選委會當然選委，被資審會裁定無效，順帶連立法會議員份工都冇埋，可以講，偷雞唔到蝕揸米。但鄭松泰係堅毅青年，失糧支後似乎好快就搵到嘢撈，就係轉行跟前議助做運輸喇。

鄭松泰昨日係社交平台帖文，相中嘅佢坐喺司機位，一改以往喺立法會西裝骨骨嘅打扮，身穿一件紅色短袖T恤，手持一張搬運公司卡片，帖文仲寫住「第一單Job車玩具」，相信係接到開工第一張單。

鄭松泰受聘嘅物流公司，係佢嘅前議助鄭錦滿有份開嘅。鄭錦滿亦喺社交平台發文指，「招攬有案底但非更生人士、兼待業青年加入做司機」。當被網民問及鄭松泰是否「跟佢搵食」時，則回覆「互相照應吓咁啦。」

鄭松泰成功轉型，由揸咪搵食變揸車搵食，都咪話唔貼地。做運輸唔洗畀人ＤＱ掛…加油！好好幹！

原圖：鄭松泰Facebook圖片

https://www.facebook.com/photo/?fbid=1465912580453504&set=a.110478672663575