18區區議會共4輪宣誓已經圓滿結束，總共有49人被DQ，黃人禁入閘，當中包括葵青前區議員唐皓文！佢冇得撈之後去做咩？原來佢走去捉棋，呀唔係，佢係去教人捉棋先真！

事關佢上月尾喺社交平台透露，話離開區議員崗位後將重操故業，做一位棋藝導師教人捉棋。佢好威水㗎，話自己曾代表香港出戰亞洲賽拎過亞軍喎！唐皓文仲講到話反正被DQ已成事實，倒不如坦然面對，趁呢個機會好好磨練一番。

嘩！真係夠晒正面樂觀！唐皓文話晒捉棋拎過獎，唔知佢幾時同公園伯伯切磋一下呢？

原圖：唐皓文Facebook圖片