首先祝賀中國香港花劍隊報捷，「劍神」張家朗為我哋奪得回歸以嚟首面奧運金牌，締造香港花劍歷史！香港2019年曾經失去一代年輕人，那又如何？事實證明我哋仍然有值得自豪嘅一代人，以後更會有千秋萬代！

雖然今次並非香港第一次喺奧運摘金，但1996年「風之后」李麗珊喺亞特蘭大奧運會取得香港史上首面金牌時，頒獎典禮上所播放嘅係《天祐吾皇》，升起嘅係港英龍獅旗；而今次家朗一劍擊中金牌後，終於可以以一名中國香港運動員嘅身份，喺台上聽住《義勇軍進行曲》見證五星紫荊紅旗升起，實在係意義非凡，就連家朗亦難掩興奮嘅神色！

誠如李麗珊金句「香港嘅運動員唔係垃圾」，當年港英政府可以培育出金牌選手，今日回歸中國懷抱嘅香港特區政府一樣可以，甚至只會做得更好！我哋雖然喺黑暴中失去咗一代年輕人，但香港人千祈唔好氣餒，因為家朗已經用汗水成功證明，香港前途仍然充滿希望！

原圖：新華社、無綫新聞截圖

http://www.xinhuanet.com/gangao/2021-07/27/c_1127698124.htm