今年七一原本係特別值得香港人紀念嘅日子，除咗係香港回歸祖國母親懷抱嘅第24個年頭，更係中國共產黨成立100周年，意義非凡。奈何黑暴勢力死而不僵，有狂徒竟趁機行兇，傷害執法者後自裁身亡，令如此盛事蒙污。在此祝願嗰位受傷阿Sir大步檻過，早日康復！

國安立法至今一年有餘，喺各方愛國愛港者同心協力下，總算將黑暴勢力瓦解，但如今竟發生「孤狼式本土恐怖主義」，更可怕嘅係黃友乘機大吹「殺警風」，將持刀狂徒美化為「英雄」、「義士」，可見有人黃心不滅，黑暴殘黨仍蠢蠢欲動，等緊機會隨時捲土重來！

依家雖然並非亂世，但對付黑暴唯有用重典一途，我哋絕對有需要防微杜漸，將擱置多時嘅《基本法》23條重新擺上日程，一為彌補《港區國安法》不及之處，更為杜絕一切歪風邪氣，將黑暴不軌企圖扼殺於搖籃之中！

唔通香港政府忍心見到有下一位警員遭到刺殺？執法者保護咗香港人咁耐，依家就係時候輪到香港人保護返執法者，該立23條了！

原圖：星島日報

https://std.stheadline.com/realtime/article/1027865