港台黃主持曾志豪今日完成節目《瘋Show快活人》之後,收到台長通知,下星期可以唔使做,即係鼓椒炒魷!被炒就當然要執包袱,曾志豪表示,有利君雅入唔到港台大閘嘅前車之鑑,要快啲執齊嘢走,費事要麻煩保安人員。
下午曾志豪見記者,話港台終止佢工作嘅理由係要復刻經典版《瘋Show快活人》,所以用返經典主持人如梁繼璋等。曾志豪竟指港台踢佢走嘅手法拙劣,因為佢拍檔貴花田主持呢個節目已26年,經典主持冇佢份係唔合理云云。記者問曾志豪覺得係唔係政治打壓,佢就話呢個行踁令人冇辦法唔作出呢個結論,認為港台係唔喜歡佢呢個人同佢嘅言論。又話自己會繼續喺其他媒體未被取締之前做好佢嘅工作,例如《蘋果日報》嘅專欄。記者問及曾志豪是否要今日內離去,曾志豪就表示港台沒有講明,但自己因為有利君雅前車之鑑,所以會今日執好嘢離去,以免麻煩保安人員。
港台被黃主持荼毒太耐,喺李百全手上卒之做到嘢,開始清走黃人,總算有轉機!黃友們快快走,好行夾唔送!
原圖:星島日報
https://std.stheadline.com/realtime/article/772936/
投票已截止,多謝支持