為咗而家嘅安穩生活環境，我哋要杜絕黑暴重現，時刻警惕！已經唔喺香港嘅前港台黃主持曾志豪，尋日（2日）喺《明報》撰寫評論文章，意有所指咁將近日發生喺內地嘅事件同喺香港最近故態復萌嘅不穩定事件撈埋一齊講，簡單啲講就係喺度淡化緊香港可能會出現「顏色革命雛形」風險。保安局尋日發聲明表示對於曾志豪嘅撰文內容混淆視聽，將香港同內地嘅唔同事件混為一談，企圖降低市民嘅警覺性，對此表示深感遺憾。

保安局喺聲明度表示，對於曾志豪喺評論文章中將香港近日以紀念烏魯木齊意外事件為名，作煽動中央為實嘅活動，同內地嘅唔同事情混為一談。保安局指，曾志豪呢個行為係混淆視聽，希望藉此嚟降低市民對「被煽動參與涉嫌危害國家安全活動的警覺性」。

值得一提嘅係，曾志豪已經離港，保安局呼籲市民要對此提高警覺，提防呢啲賣港嘅人，唔好畀佢哋有機可乘賺取政治紅利。

曾志豪尋日稍後時間亦有對此回應，佢話佢只係提出「疑問」：「不懂就問，談不上淡化」，大有推卸責任之嫌。

得來不易嘅安穩日子，作為香港市民，我哋一定要好好珍惜！對於死心不息嘅黑暴勢力，我哋必須時刻留神，唔好畀佢哋滲透！

原圖：曾志豪Facebook、文匯報

https://www.facebook.com/Fishkingliveshow/photos/8004529742952970

https://www.wenweipo.com/a/202209/02/AP63122817e4b033218a6085ec.html