警察福利基金上月公開2019至2020年度年報,總收入為1.88億元,當中捐款收入達1.73億元,較上年度大增26.4倍,前立法會議員林卓廷即衝出嚟批評警隊,質疑捐款涉及建制,又話難免令公眾覺得警方因受人恩惠而放軟手腳喎。
警察福利基金2019/20年度捐款名冊中,有500多宗為匿名捐款,佔咗總捐款數逾八成,最大兩筆金額為2千萬元,亦係匿名捐款,見到警察福利基金收多筆捐款,林卓廷即話好震驚,話警隊收大量捐款好唔恰當同唔健康,又指有理由相信捐款者多來自建制陣營,同時更批評警方供公眾查閱嘅捐款紀錄多為「無名氏」,斥查閱設多重限制,又亂噏話警方此做法係作賊心虛。
林卓廷仲趁機鬧埋其他警方基金,話其他警方基金唔公開,指做法係是公然集體收受利益而不受監管,係黑箱作業喎。
捐款增加明顯係市民支持警方嘅行動,警方為止暴制亂勞心勞力,市民更落力捐款畀警方合情合理,大家點睇?
原圖:無綫新聞截圖
投票已截止,多謝支持