近日，華中科技大學計算機專業畢業的博士生張霽及姚婷入選華為「天才少年」，事件引起網民關注，當中，張霽更是取得華為「天才少年」最高年薪201萬元（人民幣，下同），但原來另有企業早向張霽拋出橄欖枝，曾開出360萬年薪吸引張霽，但都被張霽拒絕，原因係，張霽想幫助華為渡過難關。

華為「天才少年」係由華為創辦人任正非發起，以頂級挑戰和頂級薪酬吸引頂尖人才，最低年薪為89.6萬元，最高年薪達201萬元。全球目前僅4人拿到最高檔「天才少年」，今年獲招選的張霽係其中之一。

研究方向和華為較匹配

張霽表示自己畢業後冇主動投遞過簡歷，但多間企業向其拋出橄欖枝，當中包括騰訊、IBM及阿里巴巴等，而最高offer超過360萬年薪，但張霽最終都係選擇入華為。

張霽現時已入職華為兩個多月，對於華為開出年薪201萬元人民幣，張霽表示有壓力，但同時覺得自己研究方向和華為比較匹配，更指出華為現時遭受到國外所謂嘅「制裁」，所以希望將自己所學所用嘅喺華為最困難嘅時候發揮出嚟，盡自己最大能力去做有意義嘅事。

將國家利益擺最前，呢啲先係真正值得大家佩服嘅人才，支持，少年強則國強！

原圖：網絡圖片