連登仔日日吹奏侵侵總統，講到佢係「民主鬥士」咁款，幻想有朝一日可以「sir this way」。之不過，想像與現實總是有差距的，曾經嘅特朗普親信、美國前國家安全顧問博爾頓近日出書，就踢爆原來侵侵根本就唔關心所謂「人權」，甚至曾經講過唔想捲入香港嘅反修例暴亂之中！

博爾頓新書《The Room Where It Happened: A White House Memoir》大爆侵侵多宗醜聞，當中提及侵侵曾經咁樣評論香港騷亂：「那是件大事，我不想捲入，我國也一樣有人權問題。」而喺上年六四事件30周年時，侵侵除咗記錯日子，仲講到明自己根本唔在乎：「我正試着達成貿易協議，不想理其他。」

美司法部企圖阻出版

既然本書咁猛料，就梗係會引起反彈啦！美國司法部於當地16日已提出民事訴訟阻止博爾頓出版，並於翌日再向法庭申請臨時禁制令，話本書包括「機密內容」，會損害國家安全喎。

睇嚟所謂「民主鬥士」原來都係同香港班反對派政客差唔多咋喎，唔知黃友會唔會買博爾頓本書睇吓，睇完又會唔會醒呢？

原圖：有線新聞截圖、Now新聞截圖