【世看疫情】侵侵連任大戰終於聞到燶味了？美媒報道，年長者是美國最大的選民群體，他們素來是侵侵及共和黨的鐵粉。然而呀，侵侵今次抗疫實在太失敗了，又不理疫情一意重啟國家經濟，只管一味賴中國乜乜物物。由於長者染疫病重及死亡機會比其他群體高不少，故擔心侵侵的做法會令疫情惡化害死他們。

誰叫你當疫情係流感？

侵侵以為自己好有機會連任，但有調查顯示，向來好鍾意佢嘅年長者對其抗疫嘅認同程度，低過其他年齡組別；還有調查指，65歲以上選民中，拜登嘅支持度超過侵侵10個百分點。當然，一日未到選舉，選民投給誰是冇人知，但多個調查都指向某一點的現實，就不能不讓侵侵重視了。當侵侵出盡吃奶之力卸責，到後來卻發現自己要面對長者粉絲嘅滔天怒火，係咪相當諷刺呢？

話時話，如果連任大業受此所累，侵侵就咪賴人賴物喇，誰叫你當初當疫情係流感呢？

原圖：Donald J. Trump Facebook

https://www.facebook.com/DonaldTrump/photos/a.488852220724/10163646655980725/?type=3&theater