香港中文大學及理工大學先後淪為黑衣兵工廠，慘遭黑衣破壞及蹂躪，今仍復課無期。當中，曾以訪問學者身份喺理大從事研究工作嘅德國學者藍霄漢（Sky Darmos）大嘆校園成惡劣「恐怖分子基地」，批評黑衣人濫用「自由民主」及「訴求」係荒謬，更一針見血地炮轟黑衣用暴動逼政府承認「不是暴動」！

藍霄漢因對黑衣人嘅惡劣行為睇唔過眼，曾因此在理大所謂「人鏈」行動上批評黑衣為恐怖分子，期後被理大學生投訴及批鬥，最終因此在9月時被終止近一年嘅訪問學者身份。

口講追求自由 實際似無政府狀態

身處越南的藍霄漢，接受《文匯報》訪問，他表示自己一直有在網上關心理大情況，批評黑衣濫用「自由民主」旗號包裝暴行，肆意侵犯市民嘅日常生活權利，指此等行為絕對不能接受。藍霄漢又感嘆校園滿目瘡痍，警方在理大校園內搜出近4,000枚汽油彈一事，理大恐怕要花上大量時間及金錢，先可以令校園恢復原狀。

藍霄漢狠斥黑衣人「成日想做咩就做咩，但這並非自由。」藍霄漢更指黑衣雖口稱追求自由，但實際上更似無政府狀態，對於其提出嘅五大訴求，特別係「收回暴動定義」呢一點，藍霄漢諷刺指，黑衣係透過連番暴亂，強迫特區政府承認其暴動「不是暴動」。

藍霄漢鬧得好，一針見血！！黑衣搞到昔日美麗嘅理大不再，黑暴行為簡直就係可恥，大家又認同藍霄漢所言嗎？

原圖：CGTN片段截圖、文匯報

http://paper.wenweipo.com/2019/12/05/YO1912050003.htm