反修例風波持續五個多月,當中有賴警隊克盡己任,守護香港,但泛民一再針對警隊,有泛民議員喺立法會財委會審議公務員加薪時,要求抽出警隊加薪分開表決,立法會議員梁美芬昨日於《明報》撰文力撐警隊,質疑其他公務員表現有負市民,憑何加薪。而顏武周竟然講呢啲,話勿與政治問題掛鈎喎…
梁美芬引述市民表示,近月來17萬公務員中只見3萬警察止暴制亂,於反修例風波中,香港只依賴警隊加班獨力執法處理政治問題,相反有公務員「因循守舊,各自為政,事不關己」,未能為反修例風波中表現團結,表現有負市民期望,更舉例指,甚至有匿名聯署反政府及罷工嘅公務員及縱容學生罷課嘅教師等,梁美芬質疑點解其他公務員可以加薪呢?
有份參與反修例集會嘅新公務員工會主席顏武周就死撐,話公務員喺呢段日子公務員克盡己責,又意有所指抹黑警隊,叫梁美芬認清社會矛盾源頭云云,更叫梁美芬唔好將公務員薪酬制度同政治問題掛鈎喎。
警察嘅付出同努力,市民有目共睹,既然如此,警隊加薪何解要分開表決?你撐梁美芬定顏武周?
原圖:星島日報
投票已截止,多謝支持