黃之鋒崇美賣港嘅所作所為，大家都好清楚，但有香港中學教材竟將黃之鋒列入「中華傳統美德格言及名人系列」，真係令人O晒嘴。官媒《人民日報》批評，事件反映香港教育出問題，更指由美化黃之鋒嘅行為，可以得知香港教育嘅病應該要醫呀！
《人民日報》銳評發表題為〈美化黃之鋒，香港教育的病該治〉，內文提到網上有圖片顯示，香港有中學材材將黃之鋒列入「中華傳統美德格言及名人系列」，內文更對黃之鋒大讚特讚，《人民日報》銳評鬧爆該教材荒謬。
評論認為，稍有常識嘅人都知黃之鋒係港獨分子之一，前排仲夠膽死跑到西方國家乞求對方制裁自己嘅同胞。評論批評，黃之鋒根本同「中華傳統美德」扯唔上關係。評論指出，香港通識科嘅教材刻意放大香港同內地嘅矛盾，直指有教師喺課堂上不談規律、夾帶私貨、觀點先行。評論直言，香港教育必須牢牢紮根本國嘅文明母體及強化國民身份認同等。
黃之鋒喺「傳統美德」界係「名人」？臭名遠播嗰個「名」就可能啱嘅！對於有中學教材竟然將黃之鋒列入「中華傳統美德格言及名人系列」，你有咩想講？
原圖：大公報、Pixbay圖片
http://www.takungpao.com.hk/news/232109/2019/0910/347143.html
投票已截止，多謝支持
返回
