香港畀班黑衣人搞到立立亂，都唔知幾時先可以停，侵侵走狗蓬佩奧喺呢個時候仲要加把口，對香港問題說三道四，連華大姐都忍唔住串爆佢冇自知之明！

促美停止「火中取栗」

我國外交部發言人華春瑩喺昨日嘅例行記招上，直斥美國國務卿蓬佩奧冇「擺正自己的位置」，仲以為自己係CIA負責人。華大姐更揭穿香港近期嘅暴亂，其實係「美方的作品」，又質問老美到底係呢場暴亂中扮演緊咩角色。華春瑩重申，中國絕對唔會允許任何外國勢力搞亂香港，並奉勸美國及早收手，唔好再玩「火中取栗」嘅把戲，否則「玩火者必自焚」！

玩火者必自焚！搞亂香港的幕後黑手，好自為之吧！

原圖：無綫新聞截圖