英國嘅國內問題多到數唔晒，唔知英國首相辛偉誠係咪想轉移視線，喺G20峰會期間話中國係英國嘅「威脅」，但一講完就極速縮沙改口！15日，辛偉誠喺G20峰會期間表示，中國對英國構成「系統性威脅」。但話音未落，辛偉誠就秒改口，將「威脅」論調改成較溫和嘅「系統性挑戰」，但就表示，呢個係對英國經濟安全最大嘅「國家威脅」。

究竟辛偉誠嘅「威脅」論係講漏嘴，定係好似「老大哥」美國總統拜登咁口誤，暫時未能得知。辛偉誠仲話，唔能夠忽視中國喺世界舞台上嘅重要角色，希望能夠與中國就氣候問題、公共衛生以及俄烏問題上進行對話。

其實，僅上任45日就落台嘅英國前首相卓慧思，早前喺競逐保守黨黨魁時，曾表示會調整英國外交政策，將中國定性為「迫切威脅」，可見這並非辛偉誠首創論調。

至於美國最鍾意插手嘅台灣問題，辛偉誠照樣有佢「高見」，佢表示，希望能夠和平解決台海局勢問題，但英國亦會「隨時準備支持台灣」。佢仲話，唔會排除對台供武嘅可能性。

與其對中國大放厥詞，插手台灣問題，小編建議辛偉誠倒不如顧好自己先，英國成千上萬咁多問題等緊你返去解決！

原圖：星島日報、辛偉誠Twitter

https://std.stheadline.com/realtime/article/1768896/

https://twitter.com/RishiSunak/status/1591792309456306176/photo/1