黃拉麵店「博多拉麵別天神」喺店內張貼涉違《國安法》字眼貼紙，警方上門口頭勸喻，店家居然發帖大呻警察「趕食客」，自己涉違法反怪責執法，實在是豈有此理！
日式拉麵店博多拉麵別天神位於尖沙咀嘅分店，被指喺店內專設一道牆，畀黃友寫「願望」，並貼喺牆上「留念」。警方前日（14日）接市民投訴相關貼紙涉違《國安法》，因而上門調查後，向店家作出口頭勸喻。但該店當晚即喺社交專頁發帖大呻警察趕客，搞到佢哋要「突然暫停晚市營業」。
博多拉麵別天神喺社交專頁帖文內容表示，當日被「被強力部門探訪」，並被勒令晚市馬上停業。帖文仲寫道，這道貼紙牆「堅守三年半」，「忠告失守」，但佢哋「唔會忘記大家嘅每一個字」，更表示大家嘅願望「終有一日成真」云云。
博多拉麵別天神店家前晚發帖完之後，有記者尋日（15日）到店內睇過，發現或會違反國安法的激進字眼貼紙已被移除，但仍留有部分「香港加油」貼紙。另外，據該店負責人表示，其餘分店均已清除所有敏感字眼貼紙。
雖然店家最終跪低，但從前日該店社交專頁帖文內容可知，佢哋並冇反思，反而指責警方行為。警方依例而為，合情合理，反倒是黃店倘認為自己沒違法，又何必跪低？又要威，又要縮，又要怪人，如此無賴，盡顯醜態！
原圖：博多拉麵別天神FB圖片
投票已截止，多謝支持
返回
