美英領袖又「拍膊頭」話要一齊對付中國，真係好得閒喎！英國新首相辛偉誠上任冇耐，即同美國總統拜登通電話，大言不慚咁話會一齊應對中國挑戰。

白宮公布美英領袖早前的通話內容，指拜登和辛偉誠都認同兩國之間有特別關係，仲特別聲明二人都同意要共同應對中國構成嘅挑戰添！美英兩國好心就傾番自己國家點合作，咪成日諗住點樣打壓中國啦！中國外交部發言人汪文斌昨日（26日）在記者會上給霸權「良心建議」，叫美國與其散佈老掉牙的「中國威脅論」，搞沒有前途的小圈子，不如樹立開放包容、合作共贏的理念，為促進世界和平與發展多做實事。係囉，老美咁得閒對其他國家阿支阿左，不如為國民做番多啲嘢啦！

汪文斌真係串得好應！霸權唔知點解咁得閒，一直針對、打壓中國，毫無大國風範！英國近期搞到立立亂，老美經濟亦唔見得好，咁得閒搞小圈子，不如做多啲實事，對自己人民好啲啦！

原圖：文匯報、辛偉誠twitter、拜登twitter

https://www.wenweipo.com/a/202203/23/AP623ae9d4e4b036dce9a19f6f.html

https://twitter.com/RishiSunak

https://twitter.com/POTUS