中大換校徽「選擇式諮詢」，校長段崇智又再跪低？！上個星期一(10月17日)，中大宣佈有鑑明年60周年校慶，因而更換新校徽。本來就送舊迎新，但就因為被批評冇諮詢，結果好事都變壞事。
三位新兼立法會議員嘅中大校董——張宇人、劉國勳同埋鄧家彪，都批評中大未有做好諮詢工作，張宇人更質疑中大管治有問題。風頭火勢之下，校長段崇智亦跪低發聲明，強調唔會急切作出改動，會聆聽大家嘅意見。去到今日，中大官網、Facebook等互聯網平台，都改回用舊校徽。簡單嚟講，新校徽只係用咗一個禮拜，就暫時「壽終正寢」。
堂堂一間大學，做事真係嚇人一跳！更換校徽，先係漠視部分校董，校徽話換就換，而家又打回原形，講得好聽啲就虛心納諫，難聽啲講句咪就係兒戲囉！
原圖：頭條日報、中大Facebook截圖
https://hd.stheadline.com/news/realtime/hk/2381307/
https://std.stheadline.com/politics/article/1514698/
投票已截止，多謝支持
返回
