英國首相卓慧思上任個幾月，櫈都未坐暖就可能要被踢落台。卓慧思推出嘅減稅政策令本來就唔多掂英國經濟衰上加衰，當然「犯眾憎」啦！連自己人嘅黨友都要逼宮，為息眾怒，佢唯有公開道歉認衰，但暗示話唔會辭職喎！

有消息指，保守黨權力核心「1922委員會」可能會改規則，可以向未做夠一年首相的卓慧思提不信任動議。卓慧思應該早就收到風，所以日前推咗關浩霆出嚟做「替死鬼」，而新任財相侯俊偉亦撤回多項減稅措施補鑊。面臨黨友「逼宮」壓力，卓慧思唯有公開承認做錯兼道歉，強調話會改正錯誤，繼續履行職務，直至下屆大選；即係話仲想繼續坐首相位，唔捨得落台囉！

做咗冇耐就畀人鬧爆，但卓慧思都仲要繼續做落去，睇嚟佢臉皮都幾厚喎！不過佢咁唔受歡迎，即使堅持坐住呢個位，仲會有咩作為呢？

原圖：UK Prime Minister facebook影片截圖

https://www.facebook.com/10downingstreet/videos/617828896549977