實現兩岸統一係中國人民一直以來嘅心願，對於台獨勢力阻撓，祖國定會作出反擊！中共二十大昨日（16日）正式開幕，中共總書記習近平喺發表報告時表示，必須長期堅持「一國兩制」，呢個係香港同澳門最好嘅制度安排，推動香港走出亂局，實現由亂及治。對於台灣問題，習近平強調，會堅定不移咁推進兩岸和平統一大業，同時表示對台唔會放棄使用武力。對此，台灣方面作出回應，台灣係一個「獨立主權國家」，蔡英文政府將會堅定拒絕「一國兩制」。

習近平表示，會繼續盡最大努力爭取兩岸和平統一。對於習近平總書記嘅講話，台灣政府發言人張惇涵表示，蔡英文喺10日嘅演講中已經明確台灣嘅立場，絕對唔會喺民主自由上作出妥協。但張惇涵又話，兩岸應該要喺「理性、平等及相互尊重」嘅情況下，尋求雙方都可以接受嘅解決方法。

正如習近平總書記所講，台灣問題係屬於中國人嘅問題，理應由中國人嚟決定台灣問題如何解決。但有一樣嘢好明確，就係對於台獨主義近年來喺台灣愈演愈烈，企圖破壞兩岸統一，中國絕對唔會容忍佢哋繼續咁樣落去，必定會採取措施反制！

原圖：蔡英文facebook、新華網

https://www.facebook.com/photo.php?fbid=662114935265758&set=pb.100044017724738.-2207520000.&type=3

http://www.xinhuanet.com/politics/leaders/2020-01/08/c_1125436783.htm