老美製造戰機，冇咗中國零件唔得？！美國早前發現一批F35戰機內含未經授權的中國零件，於是拒絕收貨。（請按此重溫）不過美國國防部諗過度過後，日前就實事求是地簽署豁免，恢復交付呢批F35，理由就話係基於國家安全利益，即係唔捨得唔要批F35，但又唔想畀錢換零件啦！

美國國防部有規定，中國、俄羅斯、伊朗及北韓的特殊金屬禁止使用。點知上月就在F35製造商洛歇馬丁即將交付的一批戰機引擎的潤滑油泵中，發現未經授權的中國合金。老美國防部即時彈起唔肯收貨，話要暫停交付合約列明的126架戰機。

有專家話，美國投資一大筆錢生產F35後，先發現有問題；最尷尬的是霸權無法杜絕來自中國的零部件，除非停止生產F-35。國防部依家唯有跪低繼續收貨，新措施估計將實施至明年10月，直至最後一架F35完成交付。

「中國製造」以價廉物美著稱，梗係正嘢啦，老美想唔識貨都唔得啦！明明要趕絕中國，點知最尾發現自己冇咗中國唔得，因為「中國製造，必屬佳品」，早就打入美國各行各業！美國霸權做霸權都肉酸過人，尷尬到一個點。

原圖：新華網、美國國防部網站

http://www.xinhuanet.com/mil/2021-04/23/c_1211124043.htm

https://media.defense.gov/2020/May/05/2002294445/-1/-1/0/200502-F-ID984-215.JPG