美國總統拜登自去年1月上任以嚟，已經4度表態若果中國大陸武力「入侵」台灣，將會願意出兵協防。此前白宮一向為此「打圓場」，仿佛係怕拜登的話惹禍上身。然而，白宮國安會印太事務協調官坎貝爾今日（20日）回應傳媒有關提問時就一反常態，好明確咁話，拜登總統嘅意思「好清晰」，美國主張維持台海局勢和平穩定，維持現狀。

坎貝爾係喺視頻形式出席華府智庫「卡內基國際和平基金會」活動時回應此事。當時現場有媒體問佢，對於此前白宮4度「收回」拜登護台嘅言論，令外界質疑美國嘅對台政策有冇改變。坎貝爾回應媒體話，佢唔認同將白宮發言稱為「收回總統言論」係恰當，總統拜登表達嘅意思已經好清楚。

坎貝爾仲話，美國嘅對台政策「向來維持一致」，同之前美國歷屆政府一樣，未來都會一直保持係咁。佢話，美國希望維持目前台海局勢和平穩定，並希望各方面可以進行對話。

坎貝爾呢番表態意思已經好明確，就係美國會一直插手干預台灣事務到底！是可忍孰不可忍，支持祖國反擊美帝霸權行為！
 

原圖：拜登FB

https://www.facebook.com/photo.php?fbid=186558230615346&set=pb.100077835098866.-2207520000..&type=3