【HKG訊】49歲的歌手蘇永康早前宣布太太馮翠珊(Anita)懷孕6個月，又不想將來生個「游梁」出來，引發黃絲網民「圍插」後，蘇永康昨晚首次現身公開場合，他表示不後悔之前講過的說話，而且幸運地未遇過反對的人。

勸粉絲不用刪文block人

蘇永康說：「我要感謝我嘅粉絲，我有幾個粉絲網，佢哋好搏命咁刪除言論同block人，我話唔需要，每個人都有發言權，佢哋可以唔認同我嘅想法，可以企喺梁生（梁頌恆）嗰邊，係有自由。其實有啲留言都幾好笑，一段文post十次，我唔係盲嘅，我睇到。」 至於會否因此不高興？蘇永康說：「學佛嘅人對所有嘢持寬恕態度，佢哋有佢哋立場，我明白，我唔覺意踩到佢哋偶像，佢哋有佢哋嘅憤怒，我理解，但香港人最終會明白，香港係需要一個和諧嘅社會。」

餐廳訂枱獲特別優待

他表示，不會後悔之前講過的說話，「我一生人做嘢冇後悔過，I have no regret，我從來都係頂天立地，錯就要認，打就企定，我唔會帶隊去西環，之後又搭的士走咗，我唔會咁做，否則我將來點樣教仔」？ 蘇永康又表示，他日前遺失銀包，要到不同政府部門補領證件，見到的都是言語上的溫暖支持及笑容，又說：「我噚晚結婚兩周年紀念，打去餐廳訂枱話爆咗，我照留名試吓，對方問我係咪蘇永康，最後開咗貴賓房畀我，仲安排咗蛋糕畀我哋，仲講咗句：『蘇生，你好嘢！』暫時我幸運地未遇過反對嘅人，我相信終有日會遇到。」

申請美簽證通過體檢

被問及太太和家人有否擔心？他說：「無論我做咩事，太太同媽咪都好支持我，蘇家傳統有嗰句講嗰句。」他坦言，若有機會重來，會照樣講同一番說話？朋友方面，基本也沒有討論過此事，「只有（藝人）張衞健打過畀我慰問吓」。 至於被網民重提以前藏毒的事，蘇永康重申：「我做得出，我又畀人拉咗，香港同台灣係冇引渡條例，我可以唔返去，但我返咗去，承擔咗法律責任。」他還透露最近申請美國簽證，收到對方電話叫他做一個身體檢查，以肯定他沒有再涉毒，「結果當然係negative，我成功攞到簽證」。 原圖： https://www.facebook.com/pg/RTHKVNEWS/videos/?ref=page_internal https://www.facebook.com/williamso924/photos/a.10154743867745209.1073741919.25425165208/10154743868895209/?type=3&theater

投票已截止，多謝支持