大律師公會前主席石永泰今日出席電台節目，談到城中熱話港獨問題，強調「港獨行唔通」。他不認同年輕激進的做法，直言「驅蝗嗰班係廢青」，惟不認為可把所有問題歸咎於年輕人的抗爭行為之上。 石永泰在商台節目《雲常開》中大談港獨。他說自己小時候曾無知地問過「點解唔獨立」，但後來理解到行不通，「你點樣說服到阿爺？郁手就一定唔得㗎啦」。他又反問提出港獨的人，是否能夠用25個字以下解釋怎樣實踐香港獨立？「做唔到嘅，就係為咗攞sound bite」。

為刺激大陸而舞龍獅旗 無必要吹捧

儘管石永泰不認同年輕激進的做法，但他認為「『驅蝗』嗰班，我可以話係廢青，但你唔好乜嘢都走去賴『驅蝗』，香港人不嬲仲係好包容。黎明做到天王，王菲做到天后，劉嘉玲蘇州姑娘嚟到香港，無人仲講咩大陸人」。 對於年輕一代的國家觀念不強，對內地的看法也很負面，甚至有人揮舞龍獅旗，他相信這些人當中，很多根本沒有經歷過殖民統治，或者只是為了刺激大陸而舉龍獅旗，「有部分係為攞sound bite而攞sound bite」，實在無必要吹捧。至於有人提出自組軍隊，甚至主張不用有軍隊也能獨立，他認為這些說法是「偽學術」。 圖：大公報 http://news.takungpao.com/hkol/politics/2013-11/2058960.html

投票已截止，多謝支持