玩完自殺玩行李，玩完行李玩whatsapp，究竟一隻豬癲起上來，可以去到幾癲？ 話說呢一隻飛天豬呢，呢排就真係癲得好勻循，先是在記者會晒生果刀作狀自刎，迫記者信佢對特首嘅指控，然後又完全不顧自己前人大嘅身份，夾埋反共《蘋果》記者去機場「漏低」行李。今日呢，佢又繼續炒作「行李事件」，出示以下呢段whatsapp短訊截圖：
梁振英、大話精。在電話內罵到國泰的女同事哭了。 處理這件事情的，都是我們頭等Team的同事。大老板非常重視，要我們全部收聲。至於短訊來源，佢就死都唔肯講，只聲稱由「有關人士」提供。究竟呢位「有關人士」姓朱還是姓乜？飛天朱由邊處得來呢啲隨便都可以冒製嘅whatsapp短訊截圖？唔知啦，只知隻朱一向喜歡道聽途說，以致被《文匯報》封為「大話朱」，你仲信唔信佢？ 原圖：由飛天朱提供 投票已截止，多謝支持
返回
