新任青年事務委員會主席劉鳴煒，在一個訪問之中親授青年人每月儲$3000上車秘笈。大家當然知道係笑話奇談「堅離地」，但看遍有關批評文章竟然連搵一篇識計數實際幾錢上到車的都無，十分可笑！
有圖有真相，請看圖表:
- 固定收入首置者買400萬以下住宅物業，直到現時仍然可以取用9成按揭上會，首期只需一成就可上車。任何提及需要4成首期百幾萬才上到車的報導都係bullshit。
- 劉鳴煒在訪問中提及儲蓄以待樓市下跌時置業。因此上表模擬一個300萬實用300呎2房單位的二手樓上車盤，在樓市下跌2–3成至200及250萬時的情況。
- 若套用劉鳴煒每月儲$3,000之說，視乎上車盤下調幅度1–3成，儲蓄時間為75.7–127.3個月不等，即6–10年左右，明顯不切實際但亦並非傳媒所講的十幾年時間。
- 如果兩個每月搵$15,000的情侶一齊將月入3分之1儲起，視乎上車盤下調幅度1–3成，儲蓄時間為22.7–38.2個月不等，即2–3年左右，似乎呢種情況比較符合現實。以往亦有不少成功例子。當然有家庭負擔者要儲足首期是很困難，但傳媒竟然將2–3年講成十幾年時間！？
- 單身者將月入3分之1儲起，視乎上車盤下調幅度1–3成，儲蓄時間為45.5–63.9個月不等，即3年半–5年半左右，亦遠不及傳媒所講的十幾年時間。
- 你話樓市會跟隨通脹繼續上升？可能啦！鬼知咩？但至少3年前開始儲首期的人現時上到車係事實。你的人工夠年年加啦！
- 你話首期未包括裝修費？其實不牽涉廚廁的簡單執修萬幾至幾萬都可以做到，甚至暫不執修先住一排又有何妨？
- 市民不能上車，政府應記首功！原因至少兩個：
- 2010年8月之前政府俾借9成半按揭，但政府出手將9成半按揭落閘後，首期多咗一倍，儲蓄首期時間同樣多出一倍！
- 政府樓價200萬以上，首置印花稅隨之激增。250萬及300萬樓價之釐印分別為$37500及$45000，分別直接導致儲蓄時間多出5–15個月！政府竟然當睇唔到繼續收釐印費，搶奪上車市民血汗錢以自肥，簡直不知廉恥！誰是罪魁？
- 除了政府之外，傳媒誤導手法亦層出不窮！其中一個常用手法就係略過不提按揭保險(或妖魔化按揭保險為借財務公司高息二按)，或取用超過600萬以上樓價的物業作例子，然後聲稱上車需要6成按揭即4成首期，那儲蓄時間當然會激增！居心何在？
- 認清事實吧！劉鳴煒固然不知平民百姓疾苦，然則政府視而不見，傳媒誤導渲染，同樣必須大力鞭撻！上車儲首期時間近乎係一條死數，都可以被扭曲得如此厲害！究竟政府是否真想幫你上車呢？究竟傳媒係真唔識計錯數，定假唔識煽動情緒，留待各位法眼判斷。
註:
1:單位以港幣計算。
2:樓價200萬所需首期連雜費$227,100包括：
- 首期$200,000。
- 首置豁免DSD，釐印費$100。
- 經紀佣金$20,000。
- 律師費$7,000。
3:樓價250萬所需首期連雜費$319,500包括：
- 首期$300,000。
- 首置豁免DSD，釐印費$37,500。
- 經紀佣金$25,000。
- 律師費$7,000。
4:樓價300萬所需首期連雜費$382,000包括：
- 首期$300,000。
- 首置豁免DSD，釐印費$45,000。
- 經紀佣金$30,000。
- 律師費$7,000。
圖：goyeah.com截圖
投票已截止，多謝支持
返回
