現時嘅時代,唔少貪靚嘅女性只要一出門,就一定會化妝,但近日內地發生咗一件搞笑又奇怪嘅事。
廣州有一位女大學生,因為化住濃妝坐地鐵,但喺入站嗰時突然被阻攔,話佢嘅濃妝唔適合搭地鐵喎,事後安檢仲要求女大學生即場卸妝添。
女大學生即投訴,仲又嬲又好笑咁話,自己當日化嘅妝唔算太濃,只係將黑色嘴唇紫色眼影嘅範圍化到比較大,搞笑話可能因為咁而嚇到人。而最令女大學生迷茫嘅係,安檢入面連支水都冇,佢根本唔知可以點落妝。
最後,女大學生當然順利入閘,廣州地鐵回應時表示歉意。
有網民大嗌過份,更有網民好嬲咁話「當場卸妝太過份了,知道畫一個妝要多久時間嗎?」而大部分網民都力撐事件中的女大學生,認為妝容不誇張,更表示要尊重每個人不同的愛好。
原圖:梨視頻片段截圖
投票已截止,多謝支持