泛民政棍成日走出嚟話香港呢樣唔好，嗰樣唔好，今日話冇人權自由，聽日就話法治倒退，唔知仲以為香港真係咁差，但實際上外國嘅月亮係咪真係特別圓？前特首梁振英就用喺日本好似隻狗咁踎緊監嘅郭紹傑，做國際例子去答你！

港青以為外國乜都做得

 CY喺Facebook發帖，話郭紹傑事件係好教材，提醒大家一定要廣傳。點解？因為泛民成日販賣恐懼唱衰香港，呃咗唔少香港青少年上當，更有人因此而被捕入獄。CY一針見血咁解釋，從來冇一個泛民頭面人物嘅子女入獄，係因為呢班人經歷過港英時期，有國際經驗，知道乜嘢先係真正嘅「國際標準」，梗係唔會畀自己啲仔女亂嚟啦。而其他冇國際經驗嘅青年，就因為誤信泛民鬼話，以為香港唔做得嘅，去到外國就可以做，做乜都唔使負法律責任。

郭紹傑今次喺日本縱火被捕，拘留時畀當局「當狗看待」，CY 認為呢個事件可以當作為正確教育香港青年嘅教材，又串爆泛民咁話：「泛民頭面人物下次去學校招兵買馬，請負責任地講述郭紹傑事件，30秒就夠用了；下次去告洋狀，也請帶上一句：『香港的自由人權民主法治淪落到和日本差不多了』。」

大家又是否認同CY，覺得郭紹傑事件可以用來警惕香港青少年呢？畀Like同Share出去一齊討論下啦！

原圖：Now新聞截圖、郭紹傑Facebook