尊重國歌有咩問題？政府琴日介紹《國歌條例草案》後，成班反對派發晒癲咁話會成為DQ嘅理由云云。資深大律師兼行政會議成員湯家驊都忍唔住喺Facebook發帖鬧爆，國歌法只係規範人唔好侮辱國家，而侮辱唔係一種自由，所以反對派話自由被收窄係唔正確嘅！咪係，唔通阻止你侮辱人都有錯？ 政府琴日簡介《國歌條例草案》，無提到候任議員喺宣誓時播放國歌如果做出離場之類嘅行為會唔會被DQ。講真，其實正常人都唔會關心呢啲方向。辛辛苦苦當選，之後又要扭屎忽宣誓搞事，之之後又要唔想畀人DQ，咁矛盾嘅心態邊個想理？偏偏公民黨楊岳橋、議會陣線毛孟靜同民主黨胡志偉都衝晒出來話會成為DQ的可能。
返回
