民陣元旦「小」遊行參與人數再跌新低，由上年警方所統計嘅6,200人跌到今年得返3,200人（請按此重溫），跌幅有幾多，一清二楚。不過醉翁之意不在酒，對泛民政棍嚟講人數唔係重點，乞到幾多「善款」先係佢哋最關心嘅。好消息係，泛民今年「乞錢能力」同樣跌咗！

守護公義基金同告下跌

社民連同香港眾志「乞錢力」都大減，前者由26萬元跌到10.4萬元，下降六成；後者由22萬元跌至6.8萬元，跌近七成；而「守護公義基金」叫做好些少，由37萬元跌至34.2萬元。而民陣亦喺Facebook多謝各位黃絲善長支持，初步點算籌得13.3萬元（包括民主黨、公民黨及工黨），不過仲要扣除開支，到最後剩幾多真係唔知喇。

遊行人數急跌，泛民「乞錢力」不再，足證好多香港人已經醒覺，唔再信任呢班咁嘅黃色政棍，呢個現象可以話係香港人2019年最好嘅禮物吖！

原圖：香港眾志Facebook