好心港大學渣專心讀書、黃老師專心教書喇!話說兼任香港大學校監嘅行政長官林鄭月娥日前委任李國章續任港大校委會主席(請按此重溫),做得好有得續任都好正常,點知班黃友就發晒癲咁亂吠。港大學生會仲聯同香港大學教師及職員會、香港大學校友關注組,要求修改《香港大學規程》,將校委會主席任命權交畀校委會喎。行得正企得正有咩要驚?佢哋咁大反應,擺明身有屎喇﹗
香港大學學生會今日聯同香港大學教師及職員會、香港大學校友關注組,向要求校董、校監及校委會修改《香港大學規程》,話將校委會主席任命權由校監手中轉移畀校委會喎。
香港大學教師及職員會主席張星煒仲要懶有道理咁大鬧李國章,質疑李何德何能,又話佢呢三年做咗咩。小編心想,齋係面對港獨時嘅強硬態度,李國章都有功喇!曾公然宣獨嘅港大學生會會長黃程鋒就死賴話校監權力過大,會威脅院校自主,又話會喺校內收集簽名,月底喺校委會會議度提出修改《規程》。
唔知黃同學口中嘅院校自主係唔係播獨嘅自由呢?真係咪使旨意!
原圖:大公報、文匯報
http://news.takungpao.com/paper/q/2016/0101/3261927.html
http://paper.wenweipo.com/2018/04/07/HK1804070018.htm
投票已截止,多謝支持