李卓人於九龍西補選大敗後，黃營即時狗咬狗骨，為失敗搵藉口，除了卸責指馮檢基鎅票外，公民黨前立法會議員余若薇甚至將責任放落青年新政前成員、黃埔西區議員鄺葆賢手上，指對方沒有落力拉票支持李卓人，不過余若薇隨即被狠摑反駁！一句講晒，黃營失敗從來無反省自己，一味賴賴賴！

黃營狗咬狗唔係新聞，不過呢班無恥之徒，不斷突破無恥新上限！余若薇早前在網台節目批評鄺葆賢，話如果鄺葆賢落力撐李卓人的話，選舉結果或會不同！有早知無乞衣，余若薇咁簡單的道理也不明？

鄺葆賢：票係選民自己嘅

鄺葆賢不忿食死貓，於社交網發文反擊余若薇，指自己已經做好本分，反駁余若薇指，「票係選民自己嘅。」又謂自己無能力「撳個制就有幾多幾多票」。之後就愈嚟愈有火，串爆表示，如果有此能力的話，平時可以「瞓多陣」！雙方火藥味濃，不過結果已經擺在眼前，李卓人都輸到無面見人咁濟，仲有咩好嘈？

講嚟講去，泛民就係唔想認輸，咁大個人，仲要搵人賴，你班政棍十足小學雞！多口問句，說好的反省呢？

原圖：大公報、無綫新聞截圖