今日,全港銷量第一的《東方日報》報道指港府最快下周會公布首批副局長及政助名單(可按此前往東網瀏覽文章),至於名單內容,就搞到廣大反黃正義朋友既高興、又憤怒。高興的是蔡若蓮校長極有可能戰勝黃營濫轟猛炸成功「抵壘」,獲委任為教育局副局長;憤怒的是長期吃政府飯反政府的《城市論壇》極黃主持人蘇敬恆竟然榜上有名,有機會做食物及衛生局政治助理。
究竟這個蘇敬恆是人是鬼?一時議論紛紛。而小喬就從他身上,看到一個因財棄黃的年輕人!
利字當頭,改邪歸正?
根據目前安排,港府轄下各政策局每局都有十萬元,用來聘請一至四五位政治助理,譬如有四位,每位月薪二萬五千元。但實際上,從來未試過有局長請多過一位助理,即呢位蘇敬恆好大可能獨享十萬大元人工,同立法會嗰班有破壞冇建設嘅泛民議員睇齊,你話係咪好和味呢?
咁都未算,最正就係前景亮麗。有朝一日畀佢升做副局長咯喎,就成廿幾萬人工啊大哥!利字當前,有乜可能唔棄黃?咪話小喬批死,無論邊隻黃獸都會即刻扑到去!即使戴耀廷都會立即棄黃求榮啦!
至於求榮之餘,這類人會否見錢開眼從此改邪歸正?咁就天知地知佢自己知,一切留待歲月見證。
看網上反應,不論是哪一方,似乎都對蘇敬恆非常負面。政府畀了個機會佢,你又點睇呢?
原圖:港台視頻截圖、無綫新聞截圖
投票已截止,多謝支持