自封普羅政治學苑「教主」的黃毓民又有新封號，被網民稱為「分裂專家」，事關「教主」搞了咁多檔嘢都是分裂拆夥衰收尾，真係唔到你唔服：由社民連開始，到人民力量，到現在的「熱普城」（即熱血公民、普羅政治學苑同城邦派的統稱）正式分裂，「熱普城」得番「熱城」。

本土又內訌 花生價貴晒

熱狗同城邦派最近指癲狗教主黐埋本民前同青年新政這些獨派度博反彈，更有指他想培養香港民族黨召集人陳浩天做接班人。眾所周知，教主份人好小氣，有仇必報，所以雙方在網上展開口水戰，打個不亦樂乎﹗最開心自然是一眾花生友，唯一擔心是花生價格都貴晒！ 黃毓民一於唔客氣，開名鬧熱血公民過氣頭頭黃洋達同城邦派「國師」陳雲搞清算，癲狗前晚再喺自己網台節目不斷爆粗鬧熱狗同城邦派，更指有年輕人想開咪，但被人恐嚇，為此甚至仲指名道姓鬧埋熱狗同城邦派的網友「藍鳳凰」同「葉政淳」煽風點火。

疑似隨口噏 被串打飛機

不過，教主有教主發噏風，人哋就無你咁好氣！家陣畀教主開名鬧不單止「與有榮焉」，連「壇數」都高咗 ，自然要在Facebook打打卡。這兩條彈散齊插教主無真憑實據，「藍鳳凰」仲串爆黃毓民，「使鬼縮埋喺個節目用個咪打飛機咩」。打飛機者，學名自瀆也！ 圖：黃毓民Facebook https://www.facebook.com/photo.php?fbid=10208703626280998&set=t.100001681376627&type=3&theater

投票已截止，多謝支持