【HKG訊】早前中華傳道會劉永生中學通識科教師邱兆麟（筆名「庫斯克」）在撰文，將撐七警出席警察會員大會的近4萬人形容為「納粹德軍」，不單被德國領事館批評為「完全不恰當」，更受到廣大市民批評和譴責。「幫港出聲」派記者到學校詢問當事人和校方，本以為他們都是負責任的人，會作負責任的交代，但有關人等個個回避，邱兆麟更粒聲唔出就潛水。曾幾何時用粗口侮辱警員「一爆而紅」的女教師林慧思眼見有水可抽，即時撲出來，在個人Facebook發帖話：

我希望有人發起包圍教育局，嚴正處理愛港之聲騷擾學校，並打擊教師校外的言論自由。等兩日沒有人做的話，我帶頭做。

大家留意她不知有意還是無意，竟將「幫港出聲」說成「愛港之聲」。不管如何，那句好可疑嘅「我帶頭做」，果然惹來廣大網民一面倒質疑，指她是典型的「叫人衝、自己縮」。這位粗口教師更將「幫港出聲」搞錯做「愛港之聲」，還不是「想搭順風車」？

叫人衝自己縮 左中右網民個個大罵

有前「熱狗」成員在Facebook爆粗大罵：「傻Ｘ！邊個講邊個做！咪Ｘ下下旨意人先得架（㗎）！等乜Ｘ野（嘢）姐（啫）？你係有本事嘅咪單拖一條友去囉！」有網民就留言話：「又想旨意人地（哋）幫佢做呀？」又有網民揶揄：「庫斯克自己都唔出聲。佢想低調處理，不過班豬隊友……」 見林老師吹到好似做梗咁樣，大家都等食花生，但果不其然，林慧思見自己被人抦到七彩，星期五深夜竟然在Facebook悄悄話：「由於欠缺老師代表，不能成事，算。」灑脫得佢呀﹗令到一班根本冇期待過嘅花生友好失望！

周五深夜悄悄留言 鬼祟縮沙當冇事

事實證明，林慧思的言行乖張，不得人心。為人師表如她，竟然不講道理去問庫斯克點解要侮辱警察為納粹德軍，淨係識吹雞包圍呢度嗰度，真擔心有朝一日她有乜唔順眼，就會忍唔住叫學生去圍校務處、圍校長、圍家長，然後自己縮埋角落頭等睇戲…… 圖：林慧思Facebook https://www.facebook.com/waisze.lam.3?fref=ts

投票已截止，多謝支持