在香港已經無乜市場的河童黃之鋒，舊年開始不斷走去搵美國大佬求助，今個月又同人一齊在《華盛頓郵報》撰文，唱衰香港。河童近日又出嚟耀武揚威，因為有個美國人Joe Piscatella幫佢拍左套紀錄片，仲在辛丹斯電影節，透過影展觀眾票選，獲世界電影紀錄片類別中的觀眾評選獎。 河童馬上大肆宣傳，在自己fb貼文，話紀錄片得獎對香港爭取民主有正面效果，「香港民主運動未來必須喺國際社會上爭取更多輿論關注；（得獎）有助形成國際輿論壓力，幫助爭取民主」，獲獎亦可告知海外人士「香港人係依然努力不懈爭取緊民主」。 其實河童是否當香港人無知，美國總統特朗普已經攞明車馬唔妥中國，自然希望在香港搞亂檔。美國民主就好清楚，選左特朗普又唔滿意，由佢當選到就職日日都有抗議示威，河童應該去美國幫美國人民爭取民主，好似反梁振英咁幫美國人民叫特朗普落台。 香港所謂民主鬥士咁高尚，經常企在道德高地去批評人，又唔見佢地批評一下美國民主，美國在墨西哥邊境起圍牆又唔見佢地出句聲，計我話好應該去美國領使館抗議，唔好只是去中聯辦！ 有網民在河童fb留言，戮巴子話：「 其實我很支持西方國家多出現幾隻河童。」Akaa Rogers Todd話 ：「時勢造英雄定英雄造時勢？黃之峰真係咁多場運動既主力？唔經唔覺就光環左(咗)？」 《蘋果日報》自然大捧特捧「《Joshua》片長78分鐘，主要講述2012年至2016年香港學生對抗極權的過程，除黃之鋒外，香港眾志羅冠聰、周庭、林淳軒亦為主要角色。」香港如果是極權，哪容《蘋果日報》生存？黃之鋒之流一早全部入獄啦，無可否認他們的佔中是「成功」了。但只是為了你的民主來破壞我的民主。 話時話，香港人今次唔可以一人一票選特首，或多或少與黃之鋒及羅冠聰呢班所謂學生領袖有關，在政改同佔中堅持他們的公民提名寧願放棄一人一票普選，你話是否與他們有關？ 圖：黃之鋒Facebook https://www.facebook.com/joshuawongchifung/