情侶之間吵架乃家常便飯，不過在公眾場所就注意啦！網上流傳一段情侶吵架影片，一對情侶在街上鬧分手，雙方吵到面紅耳赤，期間女方情緒激動橫跨幾條馬路，更當眾除衫，令人嘩然！

據指，事發地點為屯門欣寶路菁田邨菁信樓對開，女方怒氣沖沖橫過馬路，男方則跟隨其後，二人在安全島上發生爭執。男子著女子取回物品，並緊抱她咆哮道：「夠啦！」但女子毫無反應，男子隨即發難，把手上物品丟在地上，高呼「分手啊！」並轉頭離去。

女子反駁「你走啊，啲嘢無晒㗎啦，我連屋企都唔返啊，你最鍾意咁㗎啦！」男子大聲回應，「你要我咁做㗎！」女子聞言情緒激動，快速跑至四條行車線對面的巴士站，當場脫下鞋及長褲，摔在地上。又走至單車徑上脫去白色上衣。

男子急忙跑來撿回衣物，披回女方身上，並再次咆哮：「著返啲衫啊！」女生似乎稍為冷靜，與男子相擁，未有再作出任何舉動。

影片引來網民熱議，有人批評「玩還玩，唔好喺馬路玩」；也有網民認為女方行為過火，「郁啲就玩除衫除褲……正正經經同佢分手算啦」。

繼小編話，情侶吵架在所難免，不過在公眾場合違犯交通規例，兼嘈到「半裸」似乎就太過火了，大家又點睇呢？

原圖：HongKong CarCam Facebook專頁影片截圖