藝發局扣減香港戲劇協會資助風波繼續發酵！香港專業戲劇人同盟副會長黃劍冰噚日(1月22日)接受商台節目訪問時，批評藝發局做法粗暴，質疑當局理據奇怪、亂咁指控，佢反問藝發局係咪可以提供指引，否則業界無所適從。

黃劍冰又爆料話，近年有劇團申請年度資助嗰陣，有人要求佢哋提交劇本「送審」不過就無要求佢哋刪減內容或唔畀演出，但質疑之後仲可唔可以演出有反諷成份嘅「黑色戲劇」。

黃劍冰仲話，最近一年有政府同私人場地要求劇團表演前提交劇本，雖然負責人唔會以劇本為由唔批場地，不過有劇團就話曾經試過喺演出前2至3日，先至被通知因為電力供應等問題，未能提供場地。

眾所周知，香港社會潛伏咗唔少黃友，所以當劇團申請資助嗰陣，藝發局要求審視劇本都係好合情合理，點知會唔會有黃友專登「踩界」玩嘢？我哋絕對唔容許有人攞政府錢反政府！

原圖：香港專業戲劇人同盟FB圖片

https://www.facebook.com/atphk.org/photos/pb.100064575436079.-2207520000/2117951701699662/?type=3